21-oktyabr — Ózbek tiline mámleketlik til biyligi berilgen kún múnásibeti menen bayram keshesi bolıp ótti
Búgin Nókis mámleketlik texnika universitetinde 21-oktyabr — ózbek tiline mámleketlik til biyligi berilgen kún múnásibeti menen bayram keshesi shólkemlestirildi.
Ilajda universitettiń Jaslar máseleleri hám ruwxıy-aǵartıwshılıq isleri boyınsha birinshi prorektorı D.Qurbaniyazov, Berdaq atındaǵı Qaraqalpaq mámleketlik universiteti "Ózbek tili hám ádebiyatı" kafedrasınıń assistent-oqıtıwshısı Z.Kulieva, universitettiń "Mámleketlik til hám shet tilleri" kafedrasınıń baslıǵı U.Jaksimova hám kafedranıń assistent-oqıtıwshısı D.Sidikova qatnasıp, ózbek tiliniń mámleketlik til sıpatındaǵı áhmiyeti, onıń xalqımızdıń turmısı hám ruwxıy miyrasındaǵı ornı, til mádeniyatın joqarılatıw hám ana tiline húrmet penen qatnasta bolıwdıń áhmiyeti haqqında aytıp ótti.
Bunday ilajlar jaslardıń tilge bolǵan itibarın arttırıw, olardıń sóylew mádeniyatın rawajlandırıw jáne mámleketlik tilge húrmet ruwxında tárbiyalawda úlken áhmiyetke iye.
Bayram keshesi ózbek tiliniń milliy ózligimiz, tariyxımız hám ruwxıy qádiriyatlarımızdı sáwlelendiretuǵın biybaha baylıq ekenin jáne bir márte kórsetti. Sonday-aq, ana tilimizdi qásterlep saqlaw, onıń tazalıǵın saqlaw hám mámleketlik tilge baylanıslı normalarǵa ámel etiw hárbirimizdiń juwapkershiligimiz ekenligi atap ótildi.
Ilaj qatnasıwshılarda ana tiline húrmet sezimlerin jáne de bekkemlewge xızmet etti.
