2026-jıl 18-oktyabr kúni Nókis mámleketlik texnika universitetinde ICPC Uzbekistan 2026/2027-máwsimi sheńberinde xalıqaralıq programmalastırıw olimpiadasınıń Qaraqalpaqstan Respublikası basqıshı ótkerilmekte.
Ilajda Sanlı texnologiyalar ministrliginiń Qaraqalpaqstan Respublikası aymaqlıq sektorınıń bas qánigesi Uluǵbek Ayitbayev hám IT Park Qaraqalpaqstan direktorı Biybinaz Turemuratova shıǵıp sóylep, olimpiada qatnasıwshılarına tasqın tabıslar tiledi.
Jarısta studentler programmalastırıw boyınsha bilim hám kónlikpelerin sınaqtan ótkerip, quramalı máselelerge algoritmlik sheshim tabıw hám de komandada islew sheberligin kórsetpekte.
ICPC xalıqaralıq olimpiadası studentlerdiń programmalastırıw boyınsha bilimlerin bekkemlew, algoritmlik pikirlew qábiletin rawajlandırıw hám qábiletli jaslardı anıqlawǵa xızmet etedi.
