Forum jaslardıń kreativ ideyaları hám innovaciyalıq baslamaların qollap-quwatlaw, olardıń biznes joybarların ámelge asırıwına járdem beriw, sonday-aq, isbilermenlik boyınsha bilim hám kónlikpelerin arttırıwǵa qaratıldı.
Bul forumda Nókis mámleketlik texnika universiteti studentleri de belsendi qatnastı. Universitettiń túrli fakultetlerinde bilim alıp atırǵan studentler ózleriniń biznes ideyaları hám joybarların usınıp, prezentaciya qıldı. Tańlaw nátiyjelerine kóre, "Kompyuter ilimleri" fakultetiniń 2-kurs studenti Karimbergenov Xudaybergen "Kreativ isbilermen jaslar" tańlawı jeńimpazı boldı.
Sonday-aq, "Kompyuter ilimleri" fakultetiniń 3-kurs studenti Abibullaeva Xurshida, 2-kurs studenti Jumaǵaliyev Rasul, "Jasalma intellekt" fakultetiniń 3-kurs studenti Shuchkin Semyon, "Ekonomika hám telekommunikaciya injiniringi" fakultetiniń 1-kurs studenti Mamutova Kamshat hám 3-kurs studenti Karamatdinova Dúrdana óz joybarların prezentaciya qıldı. Tańlawda qatnasqan studentlerge belsendiligi ushın minnetdarshılıq hám estelik sawǵalar tapsırıldı.
Sonday-aq, universitet studentleri forum dawamında ózleriniń kreativ ideyaları hám isbilermenlik baslamaları menen qatnasıp, belsendilik kórsetti.
Bunday baslamalar student-jaslardıń kreativ ideyaların rawajlandırıw, olardıń isbilermenlikke bolǵan qızıǵıwshılıǵın arttırıw hám jańa biznes joybarların ámelge asırıwına múmkinshilik jaratadı.
