Nókis mámleketlik texnika universitetiniń "Injenerlik texnologiyaları" hám "Kánshilik isi hám energetika" fakultetlerinde mámleketimiz ǵárezsizliginiń 35 jıllıǵı aldınan Jańa Ózbekstandı rawajlandırıwdıń jańa basqıshına baǵdarlanǵan 7 tiykarǵı milliy baǵdarlamanıń áhmiyetine baǵıshlanǵan úgit-násiyat ilajı ótkerildi.
Ilajda fakultet dekanı S.Allaniyazov, Qaraqalpaqstan Respublikası Ruwxıylıq hám aǵartıwshılıq orayı "Ma’rifat" úgit-násiyatshılar jámiyeti aǵzası, docent, Qaraqalpaqstan Respublikasına xızmet kórsetken yurist X.A.Kabulov, dekan orınbasarları, tyutorlar hám student-jaslar qatnastı.
Ushırasıwda 7 milliy baǵdarlamanıń áhmiyeti, olardıń mámleket hám jámiyet rawajlanıwındaǵı ornı haqqında maǵlıwmat berildi. Sonday-aq, jaslarda watansúyiwshilik hám puqaralıq juwapkershilik sezimin bekkemlew, mámleketlik nıshanlarǵa húrmet penen qaraw, nızamlarǵa ámel etiw mádeniyatın qáliplestiriw máselelerine ayrıqsha itibar qaratıldı.
Bunday ilajlar student-jaslardıń mámleketimizdiń rawajlanıw baǵdarları haqqındaǵı bilimlerin keńeytiwge hám olarda watanǵa sadıqlıq sezimin qáliplestiriwge xızmet etedi.
