2026-jıl 9–11-oktyabr kúnleri Ózbekstan Jaslar awqamı Oraylıq Keńesi tárepinen Tashkent wálayatınıń Bostanlıq rayonındaǵı Jaslar dem alıw orayında "Joqarı oqıw orınları jaslar jetekshileri forumı" ótkerildi.
Respublikalıq forumda mámleketimizdiń barlıq aymaqlarınan 200 den aslam joqarı oqıw orınlarınıń jaslar jetekshileri qatnastı.
Forumda Nókis mámleketlik texnika universiteti Jaslar awqamı baslanǵısh shólkemi jetekshisi Z.Maxsetbaev ta qatnasıp, jaslar menen islewdi nátiyjeli shólkemlestiriw, jetekshilik kónlikpelerin rawajlandırıw hám zamanagóy jumıs usılların úyreniw baǵdarındaǵı seminar-treninglerde qatnastı.
Úsh kún dawamında forum qatnasıwshıları ushın jaslar jetekshileriniń huqıqları hám minnetlemeleri, jumıstı nátiyjeli shólkemlestiriw, jeke brendti qáliplestiriw, oratorlıq sheberligin rawajlandırıw, zamanagóy sanlı texnologiyalardan paydalanıw hám jaslar menen islesiwdiń aldınǵı usıllarına arnalǵan seminar-treningler hám ámeliy sabaqlar shólkemlestirildi.
Forum jaslar jetekshileriniń bilim hám tájiriybesin arttırıw, óz ara tájiriybe almasıw hám jaslar menen islew baǵdarındaǵı jumıslardı jáne de jetilistiriwge xızmet etedi.
