Ushırasıwdıń tiykarǵı maqseti — jaslardıń sanasında tınıshlıq hám tatıwlıqtıń qádir-qımbatın joqarılatıw, olardı hár qıylı jat hám unamsız ideyalar tásirinen saqlaw jáne bunday qáwiplerdiń aldın alıw boyınsha zárúr túsinik hám bilimlerdi qáliplestiriwden ibarat. Ilajda Din isleri boyınsha komitettiń Qaraqalpaqstan Respublikası basqarması Nókis qalası jetekshi qánigesi Q.Nezamatov, Din isleri boyınsha komitettiń Qaraqalpaqstan Respublikası aymaqlıq basqarması hayal-qızlar máseleleri boyınsha jetekshi qánigesi H.Ibrayımova hám universitettiń Jaslar máseleleri hám ruwxıy-aǵartıwshılıq isleri boyınsha birinshi prorektorı D.Qurbaniyazov qatnastı.
Ushırasıw dawamında studentlerge jawızlıqtıń aldın alıwda bilim hám aǵartıwshılıqtıń áhmiyeti, hár túrli jat ideyalardan saqlanıw, maǵlıwmatlardı durıs qabıllaw máseleleri túsindirildi. Sonıń menen birge, studentlerdi qızıqtırǵan sorawlarǵa juwaplar berilip, pikir almasıldı.
