Nókis mámleketlik texnika universitetinde 1-oktyabr — Muǵallimler hám ustazlar kúni múnásibeti menen professor-oqıtıwshılar hám xızmetkerler qatnasıwında bayram keshesi shólkemlestirildi.
Bayram keshesinde sózge shıqqanlar ustaz hám oqıtıwshılardıń jámiyet rawajındaǵı ayrıqsha ornına, jas áwladqa sapalı bilim beriw, olardı ruwxıy hám kásiplik jaqtan jetilistiriwdegi miynetlerine toqtalıp ótti.
Sonıń menen birge, bilimlendiriw hám ilimiy-pedagogikalıq tarawda turaqlı izlenip, óz miyneti menen universitettiń rawajlanıwına úles qosıp kiyatırǵan professor-oqıtıwshılardıń miyneti ayrıqsha atap ótildi.
Bayram keshesi dawamında birqatar professor-oqıtıwshılar hám xızmetkerlerge sawǵalar tapsırıldı. Sonday-aq, bayram keshesi koncert baǵdarlaması menen dawam etti. Baǵdarlama dawamında studentler tárepinen tayarlanǵan qosıqlar, ayaq-oyınlar bayram keshesine ózgeshe keypiyat baǵıshladı.
