Búgin, 30-sentyabr kúni Nókis mámleketlik texnika universitetinde Jaslar awqamı baslanǵısh shólkemi koordinatorlıǵına studentlerdi anıqlaw maqsetinde kasting ótkizildi.
Kasting universitet student-jaslarınıń jámáátshilik jumıslarına belsendi qatnasıwın támiyinlew, liderlik qábiletine iye hám jańa baslamalar menen shıǵa alatuǵın studentlerdi anıqlawǵa baǵdarlanǵan.
Kasting barısında qatnasıwshılardıń óz pikirin anıq hám erkin jetkerip beriwi, jámáát penen islesiw kónlikpeleri, liderlik qábileti, jaslarǵa tiyisli mámleketlik siyasat, qarar hám nızamlar boyınsha bilimleri, sonday-aq, is hújjetleri menen islesiw hám volontyorlıq tájiriybesi esapqa alındı.
Student-jaslar kasting dawamında ózleriniń bilim hám qábiletlerin kórsetip, Jaslar awqamı jumısına baylanıslı pikir hám usınısların bildirdi. 
