Nókis mámleketlik texnika universiteti UI GreenMetric World University Rankings 2026 xalıqaralıq reytinginde 1297-orındı iyeledi. Sonday-aq, universitet Aziya boyınsha 781-orındı, Ózbekstandaǵı joqarı oqıw orınları arasında 60-orındı iyeledi.
UI GreenMetric — universitetlerdiń turaqlı rawajlanıw hám ekologiyalıq juwapkershilik salasındaǵı iskerligin xalıqaralıq dárejede bahalap baratuǵın reyting sisteması. 2026-jılǵı reytingte dúnyanıń 105 mámleketinen 2 016 joqarı oqıw ornı qatnastı.
Reytingte universitetlerdiń jasıl infrastrukturası, energiya hám klimat ózgerislerine qatnası, qaldıqlardı basqarıw, suw resurslarınan nátiyjeli paydalanıw, transport sisteması, bilimlendiriw hám ilimiy-izertlew iskerligi, sonday-aq turaqlı basqarıw sıyaqlı baǵdarlardaǵı kórsetkishleri bahalanadı.
Nókis mámleketlik texnika universitetiniń bul xalıqaralıq reytingten orın alıwı universitette turaqlı rawajlanıw, ekologiyalıq juwapkershilik hám zamanagóy bilimlendiriw ortalıǵın qáliplestiriw baǵdarındaǵı jumıslardıń xalıqaralıq ólshemler tiykarında da bahalanıp atırǵanın kórsetedi.
Jahán reytinginde — 1297-orın
Aziya boyınsha — 781-orın
Ózbekstan boyınsha — 60-orın
Nókis mámleketlik texnika universiteti — xalıqaralıq reytinglerde óz ornın bekkemlep baratırǵan zamanagóy joqarı oqıw ornı.
