Nókis mámleketlik texnika universiteti studentleri Respublikalıq Balalar kitapxanasında ózbek ádebiyatınıń belgili wákili, Ózbekstan xalıq jazıwshısı Odil Yoqubovtıń 100 jıllıq yubileyine arnalǵan "Sóz qúdireti — ómir haqıyqatı" atamasındaǵı aǵartıwshılıq ilajında qatnastı.
Ilajda jazıwshınıń ómir jolı, ádebiy dóretiwshiligi hám ózbek ádebiyatındaǵı ornı haqqında studentlerge maǵlıwmat berildi. Sonıń menen birge, Odil Yoqubovtıń dóretiwshilik miyrasına arnalǵan kitap kórgizbesi shólkemlestirilip, jazıwshınıń dóretpeleri hám ol haqqındaǵı ádebiy derekler kórsetildi.
Ilaj dawamında studentler kitapxananıń iskerligi menen de jaqınnan tanıstı. Kitap fondı, jaratılǵan imkaniyatlar hám kitapxana xızmetleri haqqında maǵlıwmat alıp, kitapxanaǵa aǵza boldı.
Bunday ushırasıwlar studentlerdiń ádebiyatqa bolǵan qızıǵıwshılıǵın arttırıp, kitap oqıw mádeniyatın rawajlandırıwǵa hám ullı sóz sheberleriniń dóretiwshilik miyrasın úyreniwine múmkinshilik jaratadı.
