Búgin Nókis mámleketlik texnika universitetinde máhálledegi hayal-qızlar hám universitet xızmetkerleri ushın huqıqıy hám finanslıq sawatlılıqtı arttırıwǵa qaratılǵan seminar ótkerildi.
Onda Qaraqalpaqstan Respublikası Básekilikti rawajlandırıw hám tutınıwshılar huqıqların qorǵaw komiteti baslıǵınıń orınbasarı S.Najimov hám universitet hayal-qızlar máseleleri boyınsha rektor másláhátshisi Z.Djiemuratova qatnastı.
Seminarda tutınıwshılardıń shártnama qatnasıqlarındaǵı huqıqları, elektron sawda hám reklama tarawındaǵı áhmiyetli tárepleri, sonday-aq, tábiyiy hám energiya resurslarınan aqılǵa uǵras paydalanıw boyınsha zárúr usınıslar berildi. Atap ótilgenindey, 2026-jıldıń birinshi yarım jıllıǵında Komitet tárepinen 1000 nan aslam múrájat kórip shıǵılıp, 170 mıńǵa shamalas puqaranıń huqıqları tiklengen. Tutınıwshılardıń paydasına 6,2 milliard sumnan aslam qarjı qayta esap-sanaq etilgen.
