Búgin, Nókis mámleketlik texnika universiteti rektorı, t.i.d., professor B.T. Kaipbergenov student-jaslar menen ushırastı. Ushırasıw barısında universitet rektorı studentlerdi jańa oqıw jılınıń baslanıwı menen qutlıqlap, olarǵa aldaǵı oqıwlarında tabıslar tiledi.
Sonday-aq, studentlik dáwirinde bilim hám kásiplik kónlikpelerin jetilistiriw, universitette jaratılǵan múmkinshiliklerden nátiyjeli paydalanıw zárúrligin atap ótti. Ushırasıwda studentlerdiń bilim alıwı, kásiplik tayarlıǵın arttırıwı hám óz qábiletlerin rawajlandırıwı ushın jaratılǵan sharayatlar haqqında maǵlıwmat berildi.
◆
Sáwbet dawamında studentler ózlerin qızıqtırǵan sorawların berip, pikir hám usınısların bildirdi. Kóterilgen máseleler boyınsha pikir almasılıp, studentlerdiń sorawlarına tiyisli juwaplar berildi.Ushırasıw studentler menen ashıq pikir almasıw hám olardıń usınısların tıńlaw menen dawam etti.
