17–19-sentyabr kúnleri Nókis qalasındaǵı IT Park Karakalpakstan orayında qızlar arasında texnologiyalıq ideyalar hám innovaciyalıq sheshimlerdi rawajlandırıwǵa baǵdarlanǵan TechnoWomen Hackathon bolıp ótti.
Hackathonǵa 40 tan aslam topar dizimnen ótip, úsh kún dawamında óz ideyaların jetilistirdi, prototipler tayarladı hám ekspertler aldında óz sheshimlerin usındı. Ilaj juwmaǵında Top-5 topar anıqlandı.
Solardıń arasında Nókis mámleketlik texnika universitetiniń “Codelira”, “Lady” hám “Twins” toparları da bar.
“Codelira” toparı — “Jasalma intellekt” fakulteti “Kiberqáwipsizlik injiniringi“ kafedrası oqıtıwshıları:
Alifbaeva Gulbadan
Dauletmuratova Juldız
Mambetnazarova Aysulıw
“Lady” toparı:
Jienbaeva Miyassar — "Jasalma intellekt" fakulteti, 3-kurs
Alyanova Alvina — "Jasalma intellekt" fakulteti, 4-kurs
Asanova Ayzada — "Ekonomika hám telekommunikaciya injiniringi" fakulteti, 3-kurs
“Twins” toparı:
Kuanishbaeva Tursınay — "Jasalma intellekt" fakulteti, 2-kurs
Rasbergenova Munira — "Jasalma intellekt" fakulteti, 2-kurs
Satullaeva Dilfuza — "Kompyuter ilimleri" fakulteti, 2-kurs
Hackathon juwmaǵında Top-5 toparǵa arnawlı shólkemlestiriwshiler tárepinen sertifikatlar tapsırıldı. Solar qatarında Nókis mámleketlik texnika universitetiniń “Codelira”, “Lady” hám “Twins” toparlarına NARXOZ Business School tárepinen Executive Master of Business Administration (EMBA) baǵdarlamasınıń bir oqıw modulinen ótiw múmkinshiligin beriwshi sertifikatlar menen sıylıqlandı.
Bul nátiyje universitet wákilleriniń innovaciyalıq ideyalar menen islew, jańa sheshimler usınıw hám zamanagóy texnologiyalar tarawındaǵı belsendiligin kórsetedi.
Universitetimiz wákillerin jetisken nátiyjeleri menen qutlıqlaymız!
