Nókis mámleketlik texnika universitetinde ámelge asırılıp atırǵan Erasmus+ MECAS joybarı sheńberinde Portugaliyanıń Covilhã qalasında jaylasqan University of Beira Interior (UBI) universiteti menen xalıqaralıq birge islesiwdi rawajlandırıw baǵdarında izbe-iz jumıslar alıp barılmaqta.
Eki universitet arasında birge islesiwdi jolǵa qoyıw, óz ara baylanıslardı bekkemlew hám tiyisli kelisimlerdi tayarlaw boyınsha sáwbetlesiwler hám ushırasıwlar ótkerildi.
◆
Alıp barılǵan jumıslardıń nátiyjesinde Nókis mámleketlik texnika universiteti rektorı, t.i.d., professor B.T. Kaipbergenov tárepinen imzalanǵan Memorandum of Understanding (MoU) hújjetine University of Beira Interior rektorı Ana Paula Coelho Duarte tárepinen de qol qoyıldı.
Bul hújjet eki joqarı oqıw ornı arasında akademiyalıq hám ilimiy baylanıslardı rawajlandırıw, tájiriybe almasıw, birgeliktegi ilimiy izertlewler hám bilimlendiriw baǵdarındaǵı islesiwlerdi keńeytiw ushın tiykar jaratadı.
