Nókis mámleketlik texnika universitetiniń studentleri dual tálim túri sheńberinde "Aymaqlıq elektr tarmaqları" AJ Qaraqalpaqstan aymaqlıq filialında ámeliy sabaqlarda qatnaspaqta.
2026/2027-oqıw jılında 3-basqısh studentleri ushın háptesine 2 kún teoriyalıq hám 3 kún ámeliy, 4-basqısh studentleri ushın bolsa 1 kún teoriyalıq hám 4 kún ámeliy sabaqlar shólkemlestiriliwi rejelestirilgen.
Sonday-aq, 3-basqısh studentleriniń 50 procenti, 4-basqısh studentleriniń bolsa 100 procentin dual bilimlendiriw tiykarında kárxanalardaǵı ámeliy sabaqlarǵa tartıw boyınsha jumıslar alıp barılmaqta.
Bul birge islesiw sheńberinde studentler kárxananıń tiyisli bólimleriniń jumısı menen jaqınnan tanısıp, teoriyalıq bilimlerin ámeliyatta bekkemlew hám qánigeligi boyınsha kásiplik kónlikpelerin rawajlandırıw imkaniyatına iye bolmaqta.
