2026-jıl Búgin, 2026-jıl 11-sentyabr kúni, Nókis mámleketlik texnika universitetinde tálim baǵdarların arnawlı mámleketlik akkreditaciyasınan ótkeriw processi sheńberinde ekspertler komissiyasınıń úyreniw jumısları baslandı.
◆
Arnawlı mámleketlik akkreditaciyası sheńberinde universitettiń tómendegi 4 tálim baǵdarı ekspertler tárepinen úyrenilmekte:
- 60730100 — Arxitektura
- 60712100 — Qayta tikleniwshi energiya derekleri
- 60610600 — Telekommunikaciya texnologiyaları
- 70610401 — Programmalıq injiniring
◆
Úyreniw processinde ekspertler komissiyası tárepinen universitet basshılıǵı, juwapker bólimler, fakultet hám kafedra baslıqları menen ushırasıwlar hám sáwbetler ótkerilmekte.
Sonday-aq, jumıs beriwshiler menen sáwbetler, tálim baǵdarlarınıń ámeliyatqa baǵdarlanǵanlıǵı, professor-oqıtıwshılar quramı, materiallıq-texnikalıq baza, Málimleme-resurs orayı, cifrlı bilimlendiriw ortalıǵı, sonday-aq bilimlendiriw processin shólkemlestiriw menen baylanıslı basqa da máseleler úyrenilmekte.
