Búgin, Nókis mámleketlik texnika universiteti rektorı t.i.d., professor B.T. Kaipbergenov “Kánshilik isi hám energetika” fakulteti student-jasları menen ushırastı.
Ushırasıw barısında universitet rektorı studentlerdi Ózbekstan Respublikası Ǵárezsizliginiń 35 jıllıǵı hám jańa oqıw jılınıń baslanıwı menen qızǵın qutlıqlap, jańa oqıw jılında barlıq studentlerge oqıwlarında tabıslar tiledi. Mámleketimizde sonıń menen birge universitetimizde jaslar ushın jaratılıp atırǵan múmkinshilikler hám olardıń bilim alıwı, kásiplik hám jeke qábiletlerin rawajlandırıwı ushın jaratılǵan sharayatlar haqqında maǵlıwmat berdi.
Ashıq sóylesiw dawamında student-jaslar ózlerin qızıqtırǵan máseleler boyınsha sorawların berip, usınıs hám pikirlerin bildirdi. Kóterilgen máseleler boyınsha pikir almasılıp, studentlerdiń sorawlarına tiyisli juwaplar berildi.
Ushırasıw studentlerdiń usınıs hám pikirlerin tıńlaw, olardı qızıqtırǵan máselelerdi talqılaw hám studentler menen ashıq pikir almasıw menen dawam etti.
