Nókis mámleketlik texnika universitetiniń "Injenerlik texnologiyaları" hám "Kánshilik isi hám energetika" fakultetlerinde Ózbekstan Respublikası Ǵárezsizliginiń 35 jıllıǵı hám 2026/2027-oqıw jılınıń baslanıwı múnásibeti menen "Bir Watan, bir xalıq bolıp, jańa turmıs hám keleshek quramız!" uranı astında "Studentlikke baǵıshlaw" bayram ilajı kóterińki ruwxta ótkerildi.
Ilajǵa universitettiń oqıw isleri boyınsha prorektorı R.Oteniyazov, fakultet dekanları, kafedra baslıqları, professor-oqıtıwshılar, tyutorlar, studentler hám olardıń ata-anaları qatnastı.
Shıǵıp sóylewshiler studentler hám olardıń ata-anaların qutlıqlap, oqıw jılında úlken tabıslar, ilim hám texnika tarawında jańa shıńlardı iyelewin tiledi.
Ilaj sońında 2026/2027-oqıw jılında test sınaqlarında joqarı ball toplaǵan studentlerge universitet rektorınıń "Minnetdarshılıq xatları" saltanatlı túrde tapsırıldı.
Videorolik tayarlaǵan: G.Nurniyazov
