Nókis mámleketlik texnika universitetinde Ǵárezsizligimizdiń 35 jıllıǵı hám de 2026/2027-oqıw jılınıń baslanıwı múnásibeti menen “Bir Watan, bir xalıq bolıp, jańa turmıs hám keleshek quramız” uranı astında bayram ilajı shólkemlestirildi.
"Ekonomika hám telekommunikaciya injiniringi" fakultetinde ótkerilgen ilajda fakultet basshılıǵı, professor-oqıtıwshılar, studentler hám olardıń jaqınları qatnastı. Fakultet basshılıǵı hám professor-oqıtıwshılar studentlerdi jańa oqıw jılı menen qutlıqlap, olarǵa oqıwında hám ilimiy izlenislerinde tabıslar, joqarı jetiskenlikler tiledi.
Ilaj "Ǵárezsizlik sabaqları" menen dawam etip, studentlerdi sapalı bilim alıwǵa, zamanagóy bilim hám kónlikpelerdi iyelewge, óz ústinde úziliksiz islewge hám kásiplik sheberligin jetilistiriwge shaqırıldı.
