Nókis mámleketlik texnika universitetinde jańa oqıw jılınıń baslanıwı múnásibeti menen "Studentlikke baǵıshlaw" bayram ilajı bolıp ótti. Ilaj dawamında universitettiń ilim-bilimlendiriw, jámiyetlik hám sport tarawlarında belsendilik kórsetip, túrli baǵdarlarda jetiskenliklerge erisken student jaslar sıylıqlandı.
Atap aytqanda, oqıw, ilimiy-izertlew, jámiyetlik hám sport tarawlarında joqarı nátiyjeler kórsetken studentlerge Húrmet jarlıqları hám Minnetdarshılıqlar tapsırıldı.
Bayram ilajı student-jaslar qatnasıwındaǵı kóterińki keypiyattaǵı koncert baǵdarlaması menen dawam etti. Baǵdarlamadan qosıqlar, ayaq oyınlar hám kórkem shıǵıwlar orın alıp, qatnasıwshılarǵa bayram keypiyatın baǵıshladı.
