Búgin elimizdegi joqarı oqıw orınlarında jańa oqıw jılı baslandı.
Nókis mámleketlik texnika universitetinde de jańa oqıw jılı studentlerdiń bilimlerin bekkemlew, kásiplik qábiletlerin rawajlandırıw hám keleshektegi jetiskenliklerine tiykar jaratıwǵa baǵdarlanǵan jańa basqısh sıpatında baslandı. Búgin universitetke qádem qoyǵan hárbir jas — óziniń bilim hám kásiplik rawajlanıwına tiykar bolatuǵın jańa basqıshtı basladı.
Búgingi student — tek bilim alıwshı emes. Ol — jańa ideyalar usınıwshı, izleniwshi, óz tarawında jetik qánige bolıwǵa umtılıwshı jas. Sol sebepli universitetimizde jaslardıń bilim alıwı menen birge, óz qábiletlerin ashıwı hám ideyaların ámelge asırıwı ushın keń múmkinshilikler jaratılmaqta.
7-sentyabr — tek oqıw jılınıń baslanıwı emes. Bul — jańa maqsetlerge jol ashılatuǵın, úmitler anıq jobalarǵa aylanatuǵın jańa basqısh.
