Nókis mámleketlik texnika universitetinde 2026/2027-oqıw jılına tayarlıq máselelerine arnalǵan jıynalıs bolıp ótti. Jıynalıs dawamında jańa oqıw jılın joqarı dárejede shólkemlestirip baslaw, universitet imaratları hám aymaqların tayarlaw, oqıw procesi ushın zárúr sharayatlar jaratıw, sonday-aq studentlerdi turaq jay menen támiyinlew máselesine ayrıqsha itibar qaratıldı. Bul máseleler boyınsha tiyisli basshılarǵa anıq tapsırmalar berildi.
Universitet imaratlarınıń sırtqı hám ishki kórinisin jaqsılaw, bezew hám abadanlastırıw jumısların sapalı túrde juwmaqlaw boyınsha tiyisli tapsırmalar berildi.
Oqıw xanaları, auditoriyalar hám kompyuter xanalarınıń jańa oqıw jılına tayarlıǵı da kórip shıǵıldı. Oqıw xanalarındaǵı, kompyuterler hám basqa da zárúr qurılmalardıń tayarlıǵın támiyinlew boyınsha juwapkerlerge tapsırmalar júkletildi.
Studentlerdi turaq jay menen támiyinlew, sonıń menen birge ijara úylerin izlewde járdem kórsetiw jumısların nátiyjeli shólkemlestiriw boyınsha da anıq wazıypalar berildi.
Jıynalıs juwmaǵında jańa oqıw jılına tayarlıq jumısların belgilengen múddetlerde sapalı juwmaqlaw hám studentler ushın qolaylı bilim alıw sharayatların jaratıw boyınsha tiyisli basshılarǵa tapsırmalar berildi.
