Nókis mámleketlik texnika universitetinde jańa oqıw jılına tayarlıq procesi, bilimlendiriwdiń sapasın jáne de arttırıw hám studentler ushın zamanagóy imkaniyatlardı keńeytiwge baǵdarlanǵan májilis ótkerildi.
Májilis dawamında universitet jumısınıń bir qatar áhmiyetli baǵdarları boyınsha máseleler dodalandı.
Universitettegi jańa tayınlawlar haqqında maǵlıwmat berildi;
Jańa oqıw jılına tayarlıq procesi, bar sharayatlar hám bilimlendiriw procesin sapalı shólkemlestiriw máselelerine itibar qaratıldı;
Oqıw procesiniń ámeliy nátiyjeliligin arttırıw maqsetinde oqıw laboratoriyalarınıń jaǵdayı hám olardan nátiyjeli paydalanıw máseleleri kórip shıǵıldı;
Studentlerdiń zamanagóy bilim hám kónlikpelerin rawajlandırıw maqsetinde jasalma intellekt boyınsha oqıw kursların shólkemlestiriw máselesi dodalandı;
Studentlerdi isbilermenlikke úyretiw, olardıń biznes hám ámeliy kónlikpelerin rawajlandırıwǵa ayrıqsha itibar qaratıldı;
Sonday-aq, taraw wákilleri hám isbilermenler menen birgelikte ámeliy sabaqlar shólkemlestiriw, studentlerdi real biznes ortalıǵı menen jaqınnan tanıstırıw boyınsha usınıslar bildirildi.
Májilis juwmaǵında dodalanǵan máseleler boyınsha juwapkerlerge tiyisli tapsırma hám wazıypalar berildi.
