Ózbekstan Respublikası Ǵárezsizliginiń 35 jıllıǵı múnásibeti menen Qaraqalpaqstan Respublikası Joqarǵı Keńesiniń Baslıǵı A.Orınbaev tárepinen Nókis mámleketlik texnika universitetiniń bir topar studentleri Húrmet jarlıqları menen sıylıqlandı.
Húrmet jarlıqları studentlerdiń oqıwındaǵı jetiskenlikleri, jámiyetlik islerdegi belsendiligi, el-jurtımızdıń rawajlanıwına qosıp atırǵan úlesi hám jaslar arasındaǵı belsendiligi ushın tapsırıldı. Bul sıylıq studentlerdiń jetiskenliklerine berilgen joqarı bahanıń kórinisi bolıp, olardı aldaǵı waqıtta da jáne de joqarı nátiyjelerge erisiwge ruwxlandıradı.
Sıylıqlanǵan studentlerdi bul joqarı itibar menen shın júrekten qutlıqlaymız! Olarǵa oqıwında tabıslar, jańa jetiskenlikler tileymiz.
