Áziz hám húrmetli Nókis mámleketlik texnika universiteti jámááti! Qádirli professor-oqıtıwshılar, xızmetkerler hámde student-jaslar!
Sizlerdi xalqımızdıń eń ullı, eń áziz hám eń qádirli bayramı — Ózbekstan Respublikası mámleketlik ǵárezsizliginiń 35 jıllıǵı menen shın kewlimnen qızǵın qutlıqlayman!
Búgin Jańa Ózbekstannıń jańa rawajlanıw basqıshında ilim, bilimlendiriw, innovaciya hám zamanagóy texnologiyalar mámleketimiz keleshegin belgileytuǵın eń áhmiyetli kúshlerden birine aylanbaqta. Ásirese, jas áwladqa bilim alıw, óz talant hám potencialın júzege shıǵarıw, zamanagóy kásip-ónerlerdi iyelew ushın jaratılıp atırǵan keń imkaniyatlar bizdi jánede úlken maqsetler jolında ruwxlandırmaqta.
Nókis mámleketlik texnika universitetiniń professor-oqıtıwshıları, xızmetkerleri hámde student-jasları bunnan bılayda "Jańa Ózbekstan — jańa imkaniyatlar eli" degen iygilikli ideya tiykarında birlesip, universitetimiz hám elimizdiń rawajlanıwına múnásip úles qosadı, dep isenemiz.
Pursattan paydalanıp, bársheńizge bekkem densawlıq, shańaraqlıq baxıt hám tınıshlıq, maqtanıshlı jumısıńızda úlken tabıslar tileymen. Shańaraqlarıńızdan qut-bereket, kewillerińizden jaqsı niyetler, turmısıńızdan quwanısh hám shadlıq hesh qashan ketpesin!
Ǵárezsizligimizdiń 35 jıllıǵı múbárek bolsın, áziz watanlaslar!
