Nókis mámleketlik texnika universitetinde Universitet Keńesiniń gezektegi májilisi bolıp ótti. Májiliste universitettiń oqıw, ilimiy, tárbiyalıq hám shólkemlestiriw baǵdarlarındaǵı jumısları, 2025/2026-oqıw jılınıń juwmaqları hám jańa oqıw jılına tayarlıq máseleleri kórip shıǵıldı.
Kún tártibine sáykes, 2026/2027-oqıw jılı ushın qabıllaw jumısları, fakultetlerdiń oqıw jılın juwmaqlawı, pitkeriwshi studentlerdiń bántligin támiyinlew, aralıqtan oqıtıwdı shólkemlestiriw máseleleri talqılandı.
Sonday-aq, fakultet tyutorlarınıń jumısları, Málimleme-resurs orayınıń xızmeti, hayal-qızlar hám jaslar menen islesiw baǵdarındaǵı jumıslardıń nátiyjeleri haqqında esabatlar tıńlandı, usınıs hám pikirler kórip shıǵıldı.
Májilistiń kún tártibindegi ilimiy hám oqıw-metodikalıq máseleler, dissertaciya jumısları temaların tastıyıqlaw, universitet professor-oqıtıwshılarına ilimiy ataq beriw, sonday-aq, 2026/2027-oqıw jılı ushın mámleketlik stipendiyalarǵa kandidaturalardı usınıw máseleleri de kórip shıǵıldı.
Májilis barısında kún tártibindegi máseleler boyınsha pikirler almasılıp, universitettiń keyingi jumıs baǵdarları belgilendi. Talqılanǵan máseleler tiykarında tiyisli qararlar qabıl etilip, juwmaqlar boyınsha wazıypalar belgilep berildi.
