Nókis mámleketlik texnika universitetinde Ózbekstan Respublikası Ministrler Kabinetiniń 2021-jıl 4-noyabrdegi 675-sanlı qararı tiykarında ekonomika tarmaqlarında keminde 5 jıllıq miynet stajına hám tiyisli ministrlik yamasa shólkemniń usınısnamasına iye abiturientlerdi keshki tálim formasına saralanǵan tólemli-kontrakt tiykarında qabıl etiw boyınsha sáwbet basqıshı ótkerildi.
Sáwbet dawamında abiturientlerdiń mámlekette ámelge asırılıp atırǵan reformalardıń mánisi hám áhmiyeti, tańlanǵan tálim baǵdarın tańlawdan tiykarǵı maqseti, jumıs dawamında erisilgen jetiskenlikleri jáne kásiplik bilim hám kónlikpeleri bahalandı.
Nızamǵa muwapıq, usınısnama tiykarında studentlikke qabıl etilgen shaxslardıń tólem-kontrakt qarjıları ózleri islep atırǵan shólkem tárepinen tólep beriledi hám olar oqıwdı tamamlap, usı sistemada keminde 5 jıl islep beriwi májburiy esaplanadı.
