Nókis mámleketlik texnika universitetinde Keńestiń gezeksiz májilisi ótkerildi. Májiliste universitet iskerligine baylanıslı birqatar áhmiyetli máseleler kórip shıǵıldı. Sonıń menen birge, studentlerdiń tálim grantları menen baylanıslı máseleler, grantlardı usınıw hám qayta bólistiriw tártibine muwapıq alıp barılǵan jumıslar nátiyjeleri talqılandı.
Sonday-aq, studentlerdiń sociallıq belsendiligin bahalaw hám bul baǵıttaǵı jumıslardı shólkemlestiriwge baylanıslı máseleler boyınsha tiyisli maǵlıwmatlar tıńlandı. Kún tártibindegi máseleler Keńes aǵzaları tárepinen talqılanıp, bildirilgen pikir hám usınıslar esapqa alındı.
Májilis juwmaǵında kún tártibindegi máseleler boyınsha tiyisli qararlar qabıl etildi.
