Nókis mámleketlik texnika universitetinde 2026/2027-oqıw jılında ekinshi hám onnan keyingi joqarı bilim alıw qálewinde bolǵan abiturientler ushın sáwbet processleri belgilengen tártipte shólkemlestirilmekte.
Sáwbet procesinde ekinshi qánigelik boyınsha bilim alıw qálewin bildirgen abiturientlerdiń tańlaǵan tálim baǵdarına baylanıslı bilim hám tayarlıǵı, tarawǵa bolǵan qızıǵıwshılıǵı jáne kásiplik potencialı bahalanbaqta.
Processler tiyisli tártip hám normalar tiykarında, ashıq-aydınlıq hám qalıslıq principleri tiykarında shólkemlestirilmekte. Abiturientler ushın sáwbet procesiniń belgilengen tártipte ótkeriliwi hám zárúr sharayatlardıń jaratılıwına ayrıqsha itibar qaratılmaqta.
Ekinshi hám onnan keyingi joqarı bilimlendiriw — zamanagóy bilimlerdi iyelew, bar kásiplik potencialdı jáne de rawajlandırıw hám jańa qánigelik boyınsha tájiriybe alıw ushın áhmiyetli imkaniyat bolıp tabıladı.
Nókis mámleketlik texnika universitetinde ekinshi qánigelikke hújjet tapsırǵan barlıq abiturientlerge sáwbet procesinde tabıslar tileymiz!
