Nókis mámleketlik texnika universitetinde jumıs nátiyjeliligin arttırıw, bilimlendiriw hám ilimiy processlerdi bunnan bılay da jetilistiriw jáne basqarıw sistemasın zamanagóy talaplar tiykarında rawajlandırıwǵa baǵdarlanǵan jumıslar izbe-iz dawam ettirilmekte.
Usı maqsette universitettiń shólkemlestiriwshilik strukturasın jetilistiriw boyınsha tiyisli jumıslar alıp barıldı. Bul process sheńberinde universitettiń Reje finans bólimi juwapkerleri tárepinen Joqarı bilimlendiriw, ilim hám innovaciyalar ministrliginde tiyisli jumıslar ámelge asırılıp, universitettiń jańalanǵan shólkemlestiriw strukturası tastıyıqlandı.
Jańalanǵan shólkemlestiriw strukturası sheńberinde universitet jumısınıń tiykarǵı baǵdarların bunnan bılay da rawajlandırıw, bar imkaniyatlardan nátiyjeli paydalanıw menen bir qatarda, jańa bólim hám kafedralardı shólkemlestiriw de názerde tutılmaqta.
Bul strukturalıq jańalanıwlar bilimlendiriwdiń sapasın arttırıw, ilimiy-izertlew jumısın rawajlandırıw, zamanagóy baǵdarlardı keńeytiw hám universitettiń keleshektegi rawajlanıwı ushın jańa imkaniyatlar jaratıwǵa xızmet etedi.
