Joqarı bilimlendiriw shólkemleriniń bakalavriat tálim baǵdarlarına kiriw imtixanlarında qatnasıp, belgilengen minimal 56,7 ball hám onnan joqarı ball toplaǵan, biraq studentlikke usınıs etilmegen abiturientlerge, sonıń ishinde, dizimnen ótiwdiń ekinshi basqıshında joqarı bilimlendiriw shólkemi hám bakalavriat tálim baǵdarların tańlamaǵan abiturientlerge vakant orınlar bar bolǵan, pánler kompleksi hám tálim tili sáykes bakalavriat tálim baǵdarları boyınsha qosımsha tańlawda qatnasıw imkaniyatı jaratıldı.
2026/2027-oqıw jılında jámi 80 joqarı bilimlendiriw mákemesinde 31 823 vakant orın bolıp, usı vakant orınlardı toltırıw maqsetinde abiturientler arasında qosımsha tańlaw ótkeriledi.
2026-jıl 22-avgusttan 28-avgustqa shekem (sol kúni de) Agentliktiń my.uzbmb.uz rásmiy platforması arqalı usı kategoriyadaǵı abiturientler qosımsha tańlawda qatnasıw ushın dizimnen ótiwi múmkin.
Abiturientlerge pánler kompleksi hám tálim tili sáykes bolǵan, vakant orınlar bar bolǵan bakalavriat tálim baǵdarların tańlaw huqıqı beriledi.
Dizimnen ótken abiturientler vakant orınlarǵa toplaǵan balları izbe-izligine qatań ámel etip, bazalıq tólemli-kontrakt tiykarında studentlikke usınıs etiledi.
Tańlaw juwmaqları boyınsha Agentlik tárepinen tiyisli tańlaw dizimleri qáliplestirilip, joqarı bilimlendiriw shólkemlerine usınıladı.