Nókis mámleketlik texnika universiteti professor-oqıtıwshıları kásiplik tájiriybesin arttırıw hám zamanagóy bilim hám kónlikpelerin bekkemlew maqsetinde Qazaqstan Respublikasında tájiriybe arttırdı.
Universitet professor-oqıtıwshıları Almatı qalasındaǵı Al-Farabiy atındaǵı Qazaqstan Milliy universitetinde shólkemlestirilgen qánigeligin arttırıw kurslarında qatnastı.
Qánigelik arttırıw dawamında professor-oqıtıwshılar óz qánigelikleri boyınsha bilimlerin bayıtıp, zamanagóy bilimlendiriw usılları hám aldınǵı tájiriybeler menen tanıstı.
Bul process professor-oqıtıwshılardıń kásiplik potencialın jáne de arttırıw hám bilimlendiriwdiń sapasın jaqsılawǵa xızmet etedi.
