Nókis mámleketlik texnika universiteti studentleri ushın Samarqand qalasına ruwxıy-aǵartıwshılıq sayaxat shólkemlestirildi.
Sapar dawamında studentler Samarqand qalasınıń bay tariyxı, mádeniy miyrası hám áyyemgi arxitekturalıq estelikleri menen jaqınnan tanıstı.
Atap aytqanda, studentler Amir Temur maqbarasın barıp, ullı mámleketlik ǵayratker Amir Temurdıń ómiri hám iskerligi, Temuriyler dáwiriniń tariyxı hám bul tariyxıy orınnıń áhmiyeti haqqında maǵlıwmatlarǵa iye boldı.
Sonday-aq, studentler Samarqand qalasınıń eń belgili tariyxıy orınlarınan biri bolǵan Registan maydanında bolıp, onıń tariyxı, arxitekturalıq kórinisi hám mámleketimiz tariyxındaǵı ornı menen jaqınnan tanıstı.
Bul sayaxat studentlerdiń tariyxıy bilimlerin bekkemlew, milliy hám mádeniy miyrasımızǵa bolǵan qızıǵıwshılıǵın arttırıw hám ata-babalarımızdıń bay ilimiy hám ruwxıy miyrası haqqındaǵı kózqarasların keńeytiwge xızmet etti.
Bunday ruwxıy-aǵartıwshılıq sayaxatlar jaslardıń bos waqtın mazmunlı shólkemlestiriw, tariyxıy yadın bekkemlew hám elimizdiń bay tariyxıy miyrasın tereńirek úyreniwde úlken áhmiyetke iye.
