Nókis mámleketlik texnika universitetinde jańa oqıw jılı aldınan studentlerge ijara úyler tabıwǵa járdemlesiw hám jasaw ornına baylanıslı múrájatlardı úyreniw maqsetinde ijara úyler boyınsha maǵlıwmatlar orayı jumıs alıp barmaqta.
Oray arqalı studentlerge ijara úylerin tabıw, ijara shártnamasın rásmiylestiriw, ijara tóleminiń bir bólegin qaplap beriw tártibi hám zárúr hújjetlerdi rásmiylestiriw boyınsha tolıq maǵlıwmat hám ámeliy járdem kórsetilmekte.
Sonday-aq, studentler hám olardıń ata-anaları jasaw ornı menen baylanıslı máseleler boyınsha orayǵa múrájat etiwine boladı.
