Sorawlar:
1. Mámlekette ámelge asırılıp atırgan keń kólemli reformalardıń mazmuni hám áhmiyeti.
2. Belgilengen bakalavriat tálim baǵdarın tańlawdan maqset.
3. Belgilengen bakalavriat tálim baǵdarına sáykes miynet iskerligi dawamında erisken jetiskenlikleri hám nátiyjeleri.
4. Belgilengen bakalavriat bilimlendiriw baǵdarı tarawında bilim hám kásiplik kónlikpelerdiń bar ekenligi.
Bahalaw kriteriyaları:
Joqarı maǵlıwmatqa iye bolǵan bakalavr (diplomlı qánige) dárejesine iye bolǵan shaxslardı tólemli-shártnama tiykarında oqıwǵa qabıl etiw ushın ótkeriletuǵın Sáwbet awızeki túrde ótkeriledi. Hár bir abiturientke 4 soraw beriledi. Hár bir sorawdıń juwabına 25 ballǵa shekem ball qoyıladı.
Sorawlarǵa berilgen juwaplar abiturienttiń usı taraw boyınsha uqıbı, dúnyaqarası hám óz kásibine bolǵan múnásibet dárejesin kórsetedi. Bahalaw kriteriyası tómendegi talaplar tiykarında ámelge asırıladı:
Sorawlarga juwaptıń anıqlıǵı, tolıqlıǵı, sorawdı óz betinshe talqılay alıwı, juwmaqlardı qáliplestiriw boyınsha uqıplılıq dárejesi bahalanadı.
Sáwbettegi sorawlarǵa juwaptı bahalaw kriteriyası tómendegi talaplar tiykarında ámelge asırıladı:
90-100 (90 balldan 100 ballǵa shekem, ayrıqsha)
70-89 (70 balldan 89 ballǵa shekem, jaqsı)
60-69 (60 balldan 69 ballǵa shekem, qanaatlandırarlı)
0-59 (59 ball hám onnan kem, qanaatlandırarsız)
Hár bir sorawǵa berilgen juwaptı bahalaw kriteriyası tómendegishe bahalanadı:
|
Abiturienttiń sorawlarǵa juwap beriwine qoyılatuǵın talaplar |
Bahalaw balları |
|
a) Berilgen sorawdıń mazmunın túsine alsa, ol boyınsha mısallar keltire alsa, túsinikke iye bolsa, óz betinshe pikir júrgize alsa, sorawdıń teoriyalıq hám ámeliy táreplerin tolıq sheshe alsa, juwmaq hám qarar qabıl etse, óz pikirin tolıq bayanlay alsa. |
22-25 |
|
b) Berilgen sorawdı jeterli dárejede bilse, onıń mazmunın túsine alsa, soraw boyınsha túsinikke iye bolsa, óz betinshe pikir júrgize alsa, mısal keltire alsa, óz pikirin tolıq bayanlay alsa. |
18-21 |
|
v) berilgen sorawdı biraz bilse, ol haqqında túsinikke ie bolsa, onıń mánisin túsine alsa, soraw boyınsha óz pikirin bayan ete alsa. |
14-17 |
|
g) berilgen sorawdı jaqsı bilmese, ol haqqında túsinikke iye bolmasa, óz pikirin tolıq bayanlay almasa. |
0-13 |
Tálim baǵdarları boyınsha sáwbet procesi juwmaqlanǵannan soń, Sáwbet komissiyası aǵzaları tárepinen qoyılǵan ballar esaplanadı hám Sáwbet komissiya tárepinen tastıyıqlanatuǵın vedomostqa kiritilip barıladı.
Sáwbet komissiyası tárepinen tastıyıqlanǵan vedomost tiykarında Sáwbet komissiyasınıń qatnasqan aǵzaları tárepinen qoyılǵan ballardıń ortasha kórsetkishi
60 ball hám onnan joqarı bolsa abiturient sáwbetten ótken esaplanadı.
Tálim baǵdarları boyınsha ótkerilgen sáwbet nátiyjelerine bola sáwbetten ótkenler sol kúnniń ózinde abiturientlerge oqıp esittiriledi.
Joqarı owıw ornında sáwbet ótkeriw dáwirinde belgilengen tártipte apellyaciya shaǵımların kórip shıǵıw ushın Apellyaciya komissiyası dúziledi.
Apellyaciya shaǵımları sáwbet nátiyjeleri járiyalanǵan waqıttan baslap 24 saat ishinde qabıllanadı hám apellyaciya komissiyası tárepinen múrájat etkenlerdiń sanınan kelip shıqqan halda bir kúnnen úsh kúnge shekemgi múddette videojazıw tiykarında kórip shıǵıladı.
Apellyaciya komissiyası abiturienttiń apellyaciyasın kórip shıǵıp, onıń nátiyjesi boyınsha tiyisli qarar qabıl etedi hám qabıllaw komissiyası hám abiturientke jetkeriliwin támiyinleydi.
Sáwbet komissiyasınıń sáwbet nátiyjeleri vedomostları hám sáwbettiń juwmaqlawshı nátiyjeleri vedomostları 3 (úsh) jıl joqarı oqıw ornında saqlanadı.
Keshirimli sebeplerge bola (densawlıǵına baylanıslı, belgilengen formadaǵı medicinalıq juwmaq tiykarında) sáwbetlesiwge kelmegen abiturientler ushın qayta sáwbetlesiw múddeti universitet tárepinen belgilenedi hám universitettiń rásmiy
veb-saytında qayta sáwbet ótkeriliwinen keminde 3 kún aldın járiyalanadı.
