Nókis mámleketlik texnika universitetinde 2026-jıl 4-sherek ushın joqarı bilimlendiriwden keyingi bilimlendiriwdiń erkin izleniwshilik formasına qabıllaw boyınsha sáwbet ótkerildi.
Sáwbet procesinde talabanlardıń tańlaǵan ilimiy baǵdarı boyınsha bilim hám potencialı, ilimiy-izertlew jumısına tayarlıǵı jáne belgilengen talaplar tiykarında ilimiy izleniw alıp barıw imkaniyatları bahalandı.
Sonday-aq, talabanlardıń ilimiy temaları, izertlew baǵdarları hám tiyisli tarawda ilimiy izleniw alıp barıwǵa baylanıslı rejeleri kórip shıǵıldı.
Erkin izleniwshilerdiń ilimiy-izertlew jumısın rawajlandırıw universitettiń ilimiy potencialın bunnan bılay da arttırıw, ilimiy izleniwler kólemin keńeytiw hám zamanagóy ilimiy baǵdarlar boyınsha izertlewlerdi kúsheytiwge xızmet etedi.
Sáwbet juwmaqlarına kóre, belgilengen talaplarǵa juwap bergen talabanlar erkin izleniwshilikke qabıl etildi.
