Sırt el hám mámleketlik emes joqarı bilimlendiriw shólkemlerinen respublikalıq joqarı oqıw orınlarınıń sáykes hám túrles tálim baǵdarlarına studentlerdiń oqıwın kóshiriw boyınsha test sınaqları usı jıldıń 19-20-avgust sánelerinde ótkeriledi.
Test sınaqları eki smenada shólkemlestirilip:
1—smena — 08:00 den 11:00 ge shekem;
2—smena — 15:00 den 18:00 ge shekem boladı.
Bunda abiturientler test sınaǵı ótkeriletuǵın aymaqqa test sınaǵı baslanıwınan keminde 1 yarım saat aldın pasport (ID-karta) hám abiturient ruqsatnaması menen keliwi, sonday-aq:
1—smenada 07:30 ǵa shekem;
2—smenada 14:30 ǵa shekem tekseriwlerden ótip óz ornına jaylasıwı kerek.
Test sınaqları 2 qánigelik hám 3 májbúriy pán boyınsha ótkeriledi hám talabanlarǵa qánigelik pánlerinde 30 dan, májbúriy pánlerde 10 nan — barlıǵı 90 test tapsırması hám olardı islew jáne juwaplar betine kóshiriw ushın 3 saat waqıt beriledi.
Talabanlar test sınaǵında qatnasıw ushın ruqsatnamanı Bilimdi bahalaw agentliginiń my.uzbmb.uz saytınan alıwı múmkin.