Kontrakt ushın tólengen qarjılarǵa dáramat salıǵı salınbaydı

Bilimlendiriw ushın tólem ámelge asırılǵanda salıq jeńilliginen tómendegi jaǵdaylarda paydalanıw múmkin:
— ózińiz ushın;
— perzentlerińiz ushın;
— 26 jasqa shekem bolgan ómirlik joldasıńız ushın.
Eger kontrakt tólemi jumıs ornıńız arqalı miynet haqıńızdan tikkeley bilimlendiriw shólkemine ótkerilse, bul summaǵa dáramat salıǵı esaplanbaydı.
Eger kontraktti ózińiz elektron, naq yamasa naq emes formada tólegen bolsańız, jıl juwmaǵı boyınsha deklaraciya tapsırıp, tólengen dáramat salıǵın qaytarıp alıw múmkin.
Salıq jeńilligi kommerciyalıq banklerden alınǵan bilimlendiriw kreditin hám onıń procentlerin qaplaw ushın baǵdarlanǵan dáramatlarǵa da engiziledi.