Nókis mámleketlik texnika universiteti jasalma intellekt, zamanagóy cifrlı qurallar hám kreativ montaj járdeminde universitet ushın jańa hám ózine tán media kontentler jarata alatuǵın qábiletli studentlerdi izlemekte!
Eger siz ápiwayı maǵlıwmattı kreativ ideya, tásirsheń vizual hám professional videoǵa aylandıra alsańız — bul tańlaw siz ushın!
Videonı jaratıwda tómendegi táreplerge itibar beriledi:
— jasalma intellekt qurallarınan nátiyjeli paydalanıw;
— kreativ hám sapalı montaj;
ádettegi emes ideya hám kreativ qatnas;
— vizual kompoziciya hám dizayn;
— mazmunlı hám tásirli tekstler menen islew;
— videoda bir pútin mazmun hám storytelling jaratıw;
— túrli cifrlı qurallardan paydalanıp, birden-bir kreativ media ónim jaratıw.
Tiykarǵı kriteriya — kreativ pikirlew, zamanagóy cifrlı qurallardan nátiyjeli paydalanıw hám ideyanı sapalı media ónimge aylandıra alıw qábileti.
Jeńimpazlardı neler kútpekte?
— Diplom hám estelik sawǵaları;
— "Media volontyorlar klubı" qatarına qabıllaw;
— Universitettiń rásmiy media iskerliginde qatnasıw;
— Materiallıq xoshametleniw.
Tańlawda qatnasıw ushın ózińiz tayarlaǵan videoroliklerdi jiberiń!
Óz dóretiwshiligińiz, montajlaw sheberligińiz hám kreativ qatnasıńızdı kórsetiń. Siz jaratqan video — óz ideyańızdı kórsetiw hám universitet media jámáátine qosılıw ushın imkaniyat.
Talabanlardan ózleri islegen videoların tómendegi Telegram mánziline jiberiwi soraladı:
@NilufarSaribayeva
Videolarıńızdı jiberiń, tańlawda qatnasıń hám óz kreativligińizdi kórsetiń!
