Búgin, 13-avgust kúni Nókis mámleketlik texnika universitetinde 2026/2027-oqıw jılı qabıllawı sheńberinde texnikumlardı tabıslı tamamlaǵan pitkeriwshilerdi bakalavriat tálim baǵdarlarına sáwbet tiykarında oqıwǵa qabıllaw processleri dawam etti.
"Kompyuter injiniringi" tálim baǵdarına qabıllaw boyınsha texnikum pitkeriwshileri menen sáwbet ótkerildi. Sáwbet procesi tastıyıqlanǵan sorawlar hám belgilengen bahalaw kriteriyaları tiykarında, sáwbet komissiyası tárepinen ámeldegi tártipke muwapıq shólkemlestirildi.
Qabıllaw procesiniń ashıq-aydınlıǵı hám qalıslıǵın támiyinlew maqsetinde sáwbet videobaqlaw astında alıp barıldı. Processtiń belgilengen tártipte shólkemlestiriliwi hám ótkeriliwi videobaqlaw quralları arqalı jazıp barıldı.
Nókis mámleketlik texnika universitetinde 2026/2027-oqıw jılı qabıllawı sheńberinde texnikum pitkeriwshilerin bakalavriat tálim baǵdarlarına sáwbet tiykarında qabıllaw processleri belgilengen tártip tiykarında dawam etpekte.
