Nókis mámleketlik texnika universitetinde bakalavriat hám magistratura tálim basqıshların tabıslı tamamlaǵan pitkeriwshilerge diplomlardı saltanatlı tapsırıw ilajı ótkerildi.
Ilajda Nókis qalasındaǵı joqarı oqıw orınlarınıń rektorları, universitet basshıları, professor-oqıtıwshılar, húrmetli miymanlar, pitkeriwshiler hám olardıń ata-anaları qatnastı.
Saltanattı universitet rektorı B.Kaipbergenov ashıp berip, pitkeriwshilerdi joqarı oqıw orınların tabıslı tamamlaǵanı menen qızǵın qutlıqladı hám aldaǵı jumıslarında tabıslar tiledi. Sonday-aq, Qaraqalpaqstan medicina institutı rektorı O.Xalimov shıǵıp sóylep, pitkeriwshilerdi usı umıtılmas kún menen qutlıqladı hám olarǵa jaqsı tileklerin bildirdi.
