Búgin, 12-avgust kúni Nókis mámleketlik texnika universitetinde 2026/2027-oqıw jılı qabıllawı sheńberinde texnikumlardı tabıslı tamamlaǵan pitkeriwshilerdi bakalavriat tálim baǵdarlarına sáwbet tiykarında oqıwǵa qabıllaw boyınsha sáwbet processleri dawam etpekte.
"Transport quralları injenerligi" tálim baǵdarına qabıllaw boyınsha texnikum pitkeriwshileri ushın sáwbet ótkerildi. Sáwbet tastıyıqlanǵan sorawlar hám bahalaw kriteriyaları tiykarında, sáwbet komissiyası tárepinen belgilengen tártipte shólkemlestirildi.
Sáwbet processleriniń ashıq-aydınlıǵın támiyinlew maqsetinde videobaqlaw astında ótkerilmekte. Kútiw zalında bolǵan pitkeriwshiler, olardıń jaqınları videotranslyaciya arqalı sáwbet procesin baqlaw imkaniyatına iye bolmaqta.
Nókis mámleketlik texnika universitetinde 2026/2027-oqıw jılı qabıllaw sheńberindegi sáwbetler belgilengen tártip hám ashıq-aydınlıq principleri tiykarında dawam etpekte.
