Búgin, 12-avgust kúni Nókis mámleketlik texnika universitetinde 2026/2027-oqıw jılı qabıllawı sheńberinde texnikumlardı tabıslı tamamlaǵan pitkeriwshilerdi bakalavriat tálim baǵdarlarına sáwbet tiykarında oqıwǵa qabıllaw boyınsha sáwbet ótkerildi.
Sáwbet "Energetika injenerligi" kúndizgi tálim baǵdarına oqıwǵa qabıllaw sheńberinde shólkemlestirildi. Bul qabıllaw procesi Ózbekstan Respublikası Ministrler Kabinetiniń 2022-jıl 11-yanvardaǵı 17-sanlı qararı menen tastıyıqlanǵan reje hám Nókis mámleketlik texnika universitetiniń 2026-jıl 3-avgusttaǵı 385-sanlı buyrıǵı tiykarında shólkemlestirildi.
Sáwbet procesinde texnikum pitkeriwshileriniń tiyisli bakalavriat tálim baǵdarında bilim alıwǵa tayarlıǵı tastıyıqlanǵan sáwbet sorawları hám bahalaw normaları tiykarında bahalandı. Processti sáwbet komissiyası belgilengen tártipte ámelge asırdı.
Sáwbet tolıq videobaqlaw astında ótkerildi. Sáwbet auditoriyalarına ornatılǵan videokameralar arqalı processtiń barlıq basqıshları jazıp barıldı. Sonday-aq, sáwbetke kelgen pitkeriwshiler hám olardıń jaqınları ushın kútiw zalında videotranslyaciyanı baqlaw imkaniyatı jaratıldı. Olar kútiw zalınan turıp sáwbet procesin tikkeley videobaqlaw arqalı baqlaw imkaniyatına iye boldı.
Sáwbet procesiniń videobaqlaw tiykarında shólkemlestirilgeni ashıq-aydınlıq hám qalıslıqtı támiyinlew, talabanlar ushın teńdey sharayat jaratıw jáne qabıllaw procesin belgilengen tártipte ámelge asırıwǵa xızmet etedi.
