Buxara mámleketlik texnika universitetinde "Aymaqlardı sociallıq-ekonomikalıq rawajlandırıwda ilim hám innovaciya: joqarı oqıw orınlarınıń roli hám wazıypaları" temasında ilimiy jumıslar hám innovaciyalar boyınsha prorektorlar ushın respublikalıq oqıw-seminarı ótkerilmekte.
Bul seminarǵa Nókis mámleketlik texnika universiteti ilimiy isler hám innovaciyalar boyınsha prorektorı M.Artikbayev qatnaspaqta.
Seminar dawamında aymaqlardı sociallıq-ekonomikalıq rawajlandırıwda ilim hám innovaciyalardıń ornı, ilimiy izertlewlerdi ámeliyatqa engiziw, sonday-aq, joqarı oqıw orınlarınıń ilimiy jumısın aymaqlıq talaplar menen baylanıstırıw máseleleri dodalanbaqta.
