Nókis mámleketlik texnika universitetinde 2025/2026-oqıw jılında Kompyuter ilimleri fakulteti "Kompyuter injiniringi (IT-servis)" tálim baǵdarın tabıslı tamamlaǵan (aralıqtan tálim forması) pitkeriwshilerge diplomlar saltanatlı túrde tapsırılmaqta.
Ilajda universitet basshılıǵı, fakultet dekanları, professor-oqıtıwshılar hám pitkeriwshiler qatnastı. Saltanatlı túrde diplomlar tapsırılıp, jas qánigelerge aldaǵı kásiplik xızmetinde úlken tabıslar tilendi.
Sonıń menen birge, olardıń joqarı bilimlendiriw procesinde iyelegen bilim hám ámeliy kónlikpelerin nátiyjeli qollanıp, elimizdiń rawajlanıwına múnásip úles qosatuǵın kadrlar bolıp jetilisiwine úlken isenim bildirildi.
