Nókis mámleketlik texnika universitetinde 2025/2026-oqıw jılında Ekonomika hám telekommunikaciya injiniringi fakultetin tabıslı tamamlaǵan (sırtqı tálim forması) pitkeriwshilerge diplomlar saltanatlı túrde tapsırılmaqta.
Ilaj dawamında pitkeriwshiler joqarı bilimlendiriwdi tabıslı tamamlaǵanı múnásibeti menen qızǵın qutlıqlandı. Shıǵıp sóylegenler tárepinen olarǵa aldaǵı kásiplik jumıslarında tabıslar tilendi hám ózlestirgen bilim hám kónlikpelerin ámeliyatta nátiyjeli qollanıwı atap ótildi.
Sonday-aq, jas qánigelerdiń óz baǵdarı boyınsha maman kadrlar retinde qáliplesip, túrli tarawlarda jumıs alıp barıwı áhmiyetli ekeni atap ótildi. Olar mámleketimizdiń sociallıq-ekonomikalıq rawajlanıwına múnásip úles qosatuǵınına isenim bildirildi.
