Arza tapsırıw ushın tómendegi saytlar arqalı onlayn dizimnen ótiledi:
➡transfer.edu.uz — mámleketlik joqarı oqıw ornınan basqasına, jeke menshik joqarı oqıw orınlarınan basqasına;
➡my.uzbmb.uz — sırt ellerde yamasa respublikada jumıs alıp barıp atırǵan sırt el hám mámleketlik emes joqarı oqıw ornınan mámleketlik joqarı oqıw orınlarına hám sırt el joqarı oqıw orınlarınan mámleketlik emes joqarı oqıw orınlarına.
Arzalar qashan beriledi?
● Oqıwdı kóshiriw boyınsha arzalar hár jılı 15-iyulden 5-avgustqa shekem beriledi — búgin aqırǵı kún.
● Arzalar hár jılı 5-avgusttan 30-avgustqa shekem kórip shıǵıladı.
Ózbekstandaǵı bir joqarı bilimlendiriw shólkeminen basqasına kóshiriw ushın bolsa tek 2 kategoriya studentlerge ruqsat bar:
■ Student turmısqa shıqsa, kúyewiniń jasaw jerindegi JOOna;
■ Mámleketlik xızmetkerdiń jumıs ornı ózgergende perzenti yamasa ómirlik joldası tiyisli basshı usınısı menen oqıwın kóshire aladı.
Oqıwın kóshiriw ushın tómendegi hújjetler usınıladı:
● kóshiriwdi qálegen tálim baǵdarı, oqıw tili hám forması kórsetilgen arza;
● reyting dáptershesi yamasa akademiyalıq maǵlıwmatnama nusqaları;
● ishki perevod bolsa tiykarlawshı hújjet;
● pasport yaki ID nusqası.
➡Grant tiykarında oqıwdı kóshiriw ushın tek ǵana grantta oqıp atırǵan studentler arza beriwi múmkin hám arza berilgen JOOnıń usı jılǵı qabıllaw kvotasında grant orınları bolıwı kerek.
➡Kózi ázziler hám mayıplıǵı bolǵan shaxslarǵa ajıratılǵan kvotada grant tiykarında oqıp atırǵanlar oqıw grantı tiykarında kóshiriledi.
➡Shet el JOOdan oqıwdı Ózbekstan JOOlarına kóshirmekshi bolǵanlar arnawlı sınaq (test yamasa jazba jumıs yamasa kásiplik (dóretiwshilik) imtixan túrinde) tapsıradı.