2026-jıl 4-avgust kúni Nókis qalasındaǵı Doslıq kanalı boyında pitkeriwshilerdiń bántligin támiyinlewge arnalǵan miynet yarmarkası ótkerildi. Yarmarkada túrli mekemeler, kárxanalar hám bilim beriw shólkemleri qatnasıp, jaslarǵa bos jumıs orınları hám kásiplik imkaniyatlar haqqında maǵlıwmat berildi.
Nókis mámleketlik texnika universiteti jámááti yarmarkada belsene qatnasıp, universitette alıp barılıp atırǵan ilimiy-innovaciyalıq jumıslar menen tanıstırdı. Kórgizbe sheńberinde studentler hám oqıtıwshılar tárepinen tayarlanǵan proektler, islenbeler hám ámeliy nátiyjeler usınıldı.
Yarmarka dawamında jaslar bilim alıw, kásip iyelew hám jumısqa jaylasıw múmkinshilikleri boyınsha keń maǵlıwmat alıp, ózleriniń qızıǵıwshılıǵına sáykes keletuǵın baǵdarlardı tańlaw imkaniyatına iye boldı.
Bunday ilajlar jaslardıń bántligin támiyinlew, olardıń kásiplik baǵdarın belgilew hám bilim menen ámeliyat arasındaǵı baylanıstı bekkemlewde áhmiyetli orın tutadı.
