Nókis mámleketlik texnika universitetinde studentlerdiń tereń bilim alıwı, kásiplik potencialın rawajlandırıwı hám xalıqaralıq miynet bazarında básekige shıdamlı qánige retinde qáliplesiwi ushın zamanagóy bilimlendiriw ortalıǵı hám keń imkaniyatlar jaratılǵan.
Universitette ekonomika, informaciya-kommunikaciya texnologiyaları, jasalma intellekt, kiberqáwipsizlik, ximiya hám biotexnologiya, energetika, elektrotexnika, kánshilik, geologiya, metallurgiya, transport, mexatronika hám robototexnika, ekologiya, arxitektura hám basqa da injenerlik baǵdarları boyınsha zamanagóy qánigeler tayarlanadı.
Nókis mámleketlik texnika universiteti studentleri xalıqaralıq hám respublikalıq kólemdegi belgili tańlawlar, xakatonlar hám innovaciyalıq joybarlarǵa belsene qatnasıp, joqarı nátiyjelerge erispekte. Olar óz bilim hám potencialın ámelde kórsetip, sıylı orınlar, grantlar hám joqarı sıylıqlardı qolǵa kirgizbekte. Bul jetiskenlikler universitette jaratılǵan zamanagóy bilimlendiriw ortalıǵı hám jaslardıń innovaciyalıq ideyaların qollap-quwatlaw baǵdarındaǵı sistemalı jumıslardıń ayqın nátiyjesi bolıp esaplanadı.
Nókis mámleketlik texnika universiteti – bilim, ilim hám innovaciya tiykarında rawajlanıp atırǵan, keleshek qánigelerin tayarlaytuǵın zamanagóy joqarı oqıw ornı.