2026-jıl 16-iyul kúni Nókis mámleketlik texnika universiteti Kánshilik isi hám energetika fakultetinde “Watan obrazı – kórkem shıǵarmalarda” atamasında ushırasıw shólkemlestirildi.
Ilajda Watan túsiniginiń kórkem ónerdegi sáwleleniwi, milliy ruwxıy qádiriyatlardı násiyatlaw hám jas áwladta watansúyiwshilik sezimin qáliplestiriw máseleleri keńnen talqılandı.
Ushırasıwǵa Qaraqalpaqstan Respublikasına miyneti sińgen artist, Ózbekstan mámleketlik filarmoniyası Qaraqalpaqstan bóliminiń qosıqshısı M.Nurjanova, fakultet dekanı orınbasarı T.Orazbaev, professor-oqıtıwshılar, tyutorlar hám student-jaslar qatnastı.
Ushırasıw dawamında M.Nurjanova ádebiyat, súwretlew óneri, muzıka hám teatr shıǵarmalarında Watan tımsalınıń qalay sáwlelengeni haqqında óz pikir-usınısların bildirdi.
Ilaj juwmaǵında jaslardı milliy qádiriyatlar ruwxında tárbiyalaw, ana Watanǵa muhabbat hám sadıqlıq sezimin bekkemlew boyınsha pikirler almasıldı.